Publications de Presse Burundaise, Rohero I Avenue de la JRR N°17 Immeuble le SAVONNIER, Téléphone standard : (257) 22 22 62 32, Fax :(257) 22 22 58 94, email: pressequotidienne@yahoo.fr

Ibihugu vy’Uburundi n’Ubushinwa birabandanya gutsimbataza imigenderanire myiza ihasanzwe

 

bbbhhhMu ntumbero yo gutsimbataza imigenderanire  isanzwe hagati y’ibihugu vy’Uburundi n’Ubushinwa, kw’igenekerezo rya 8 Ruheshi 2018, ubushikiranganji bw’imigenderanire bw’igihugu c’Ubushinwa bubicishije ku buserukizi bw’igihugu c’Ubushinwa  mu Burundi, bwarashikirije icese ingababire y’ibikorwa vy’inyubako ubushikiranganji bw’imigenderanire bw’Uburundi, igizwe  n’isanurwa  ry’inyubakwa  z’inama  zo muri ubwo bushikiranganji n’ibikoresho vya nkenerwa  vya kijambere  bijanye n’ubuhinga bwa none bwo gutumatumanako amakuru, hamwe n’ibikoresho ivyo gushingura ibikorwa vy’ubwo bushikiranganji mu buryo bugezweho. Mu ntumbero yo gutsimbataza imigenderanire  isanzwe hagati y’ibihugu vy’Uburundi n’Ubushinwa, kw’igenekerezo rya 8 Ruheshi 2018, ubushikiranganji bw’imigenderanire bw’igihugu c’Ubushinwa bubicishije ku buserukizi bw’igihugu c’Ubushinwa  mu Burundi, bwarashikirije icese ingababire y’ibikorwa vy’inyubako ubushikiranganji bw’imigenderanire bw’Uburundi, igizwe  n’isanurwa  ry’inyubakwa  z’inama  zo muri ubwo bushikiranganji n’ibikoresho vya nkenerwa  vya kijambere  bijanye n’ubuhinga bwa none bwo gutumatumanako amakuru, hamwe n’ibikoresho ivyo gushingura ibikorwa vy’ubwo bushikiranganji mu buryo bugezweho. Uwuserukira  igihugu c’Ubushinwa  mu Burundi  Li Changlin, akaba yabanje gushimira ubushikiranganji bw’imigenderanire bw’Uburundi bwitanga kugira ubucuti busanze hagati y’ubwo bushikiranganji bubiri bumere neza. 

Yarashimiye  n’amashirahamwe y’Ubushinwa arangurira ibikorwa bitandukanye  hano mu Burundi, cane cane ishirahamwe ryo gutumatumanako amakuru HUAWEI , ari naryo ryafashije mu gutunganya ibikorwa  vyo gusanura  izo nyubakwa z’inana z’ubwo bushikiranganji bw’imigenderanire.  Yarongeye aramenyesha ko igihugu aserukira ko kibandanya gishigikira Uburundi mu migambi itandukanye y’iterambere.  Uwuserukira  Ubushinwa mu Burundi akaba  yaboneyeho akaryo ko gushikiriza  ubutumire bw’igihugu  ciwe  kuri   Reta y’Uburundi, bwerekeye inama mpuzamakungu  izohuza igihugu c’Ubushinwa n’ibihugu vya  Afrika, itegekanijwe muri Nyakanga 2018. Akaba yaciye ashikiriza  impfunguruzo z’izo nyubakwa zasanuwe co kimwe n’ingabire ivuye mu bushikiranganji bw’imigenderanire y’igihugu c’Ubushinwa.Umushikiranganji  w’imigenderanire n’ayandi makungu, Ezéchiel Nibigira,  nawe akaba yarakengurukiye igihugu c’Ubushinwa kuri iyo ngabire  hamwe n’iyindi migambi y’iterambere ico gihugu c’Ubushinwa kibandanya  kirangurira hamwe na Reta y’Uburundi  nk’uko bigaragara mu gufasha kwubaka ikirimba c’Umukuru w’igihugu mu Gasenyi, umugambi  w’ikigo kijanye n’uburimyi, umugambi wo kwubaka urugomero   rw’umuyagankuba ku ruzi Ruzibazi, akaba yaranamenyesheje ko vuba  buca  hashika mu Burundi  abaganga bazoza kuvura indwara zifatira mu maso, ivyo navyo ngo bikagaragaza ko ubucuti buri hagati  y’ivyo bihugu bibiri bushemeye.Ivyo bikorwa vyose rero ngo  vyerekana ko  ubucuti buri hagati y'Ubushinwa n n’Uburundi  bushira imbere iterambere ry’ abarundi. 

Alain Ndayisenga (Uwimenyereza)

 

Ikibazo ca Reta gitanga uburenganzira bwo kuja mu gice ca kabiri c’amashure yisumbuye ngo carakozwe mu mutekano

vgttyIkibazo ca Reta giha abanyeshure bo mu mwaka w’icenda w’ishure shingiro uburenganzira bwo kuja mu gice ca kabiri c’amashure yisumbuye carakozwe ku magenekerezo ya 5,6 na 7 Ruheshi 2018, mu gihugu cose mu mutekano.Ikibazo ca Reta giha abanyeshure bo mu mwaka w’icenda w’ishure shingiro uburenganzira bwo kuja mu gice ca kabiri c’amashure yisumbuye carakozwe ku magenekerezo ya 5,6 na 7 Ruheshi 2018, mu gihugu cose mu mutekano.Ikinyamakuru UBUMWE kikaba kibashikiriza amakuru yerekeye ico kibazo yo mu bibanza bimwe bimwe cakorewemwo mu gisagara ca Bujumbura.Ku munsi wo gutangura ico kibazo, mu kigo c’ishure Kaminuza Nderabigisha (E.N.S) co mu Kigobe hari hitezwe gukorera abanyeshure 183, hakaba hasivye  abanyeshure 19 hakora abashika 164.Nk’uko umuyobozi ajejwe indero muri Komine Ntahangwa, Léopold Niyungeko yabimenyesheje , ngo abakoreye muri ico kigo ni abo ku mashure atatu : Lycée S.O.S , ishure ry’imyuga ry’ubudandaji n’ugutwara neza ( Ecole Technique  Commerciale et Administrative )hamwe n’ishure  ry’imyuga ryo mu kiyaya (Lycée Technique de la Plaine ), bakaba kandi batanguye kw’isaha yari itegekanijwe.  Léopold Niyungeko akaba kandi yamenyesheje ko ibigo  23 bakoreyemwo ico kobazo yari ajejwe ahanini vyagenze neza kiretse utunenge tumwe tumwe twibonekeje aho hari ibigo bimwe bimwe wasanga harimwo abanyeshure benshi nka  E.T.S. Hakaba kandi  hari impapuro « z’ibibazo» zari zakeshe mu mwanya wa mbere   ariko ngo zaciye ziboneka ata mwanya munini uhaciye. 

Ikindi kandi yamenyesheje ngo ni uko muri zone Cibitoke hibonekeje umunyeshure yacerewe akaba yashitse isaha zibiri n’igice abandi batanguye isaha zibiri araheza ntiyemererwa gukora.   Icatumye rero ngo batangura ku gihe ntibacerwe isaha bategerezwa gutangurirako ngo ni uko umunyeshure  wese yari yaraye  azi ikibanza azokwicaramwo bica bituma  batangura batekanye.  Muri Komine Muha kuri « Université Sagese d’Afrique »  hakoraniye ibigo bishika kuri bitandatu. Batanguye isaha zibiri z’igitondo, akaba ata munyeshure n’umwe yacerewe. Ngo no ku ntonde nta ngorane zabaye basanze abanyeshure bose barimwo kubera intonde zari zashitse ku mashure imbere y’igihe. Ngo utunenge twagiye turibonekeza si twinshi kiretse ku mashure amwe amwe hariho abasivye, abahevye hamwe n’abitavye Imana.Nko kw’ishure ryisumbuye rya Kanyosha hari handitswe abanyeshure bashika kw’ 197 hakaba hasivye abashika 9. ishure ryo kuri «  Convivialité » handitswe abana bashika 139 hakaba hasivye umwe hamwe n’umwe yitavye Imana. Muri komine Mukaza mu kigo c’ishure ryisumbuye “Lycée Scheppers de Nyakabiga hahuriye abanyeshure bo muri komine Mukaza.Uwari ahagarikiye ibikorwa  kuri iryo shure Nimubona Aloys, yamenyesheje yuko ibikorwa vyatanguye ku gihe c’isaha zibiri z’agatondo. Ibikorwa vyatanguye neza ngo n’ubwo hari abanyeshure baja barihenda ku bijanye n’aho bandika amazina ariko ngo abacungera ico kibazo bavyifashemwo neza mu gusigurira abanyeshure ukwo buzuza.Yabandanije amenyesha iryo shure ryakiriye ibigo bine navyo bikaba ari ibi : Lycée municipal de Mutanga, Lycée municipal de Nyakabiga, Lycée Municipal de Bwiza na Lycée Scheppers de Nyakabiga n’amashure yo mu bikorera utwabo. Ngo hari hitezwe abanyeshure 818 ariko 33 bakaba  barasivye.Kuri uyu munsi  hakozwe ibibazo vya Sciences humaines na Entrepreuneriat.Abanyeshure bakoze ivyo bibazo twabajije bamenyesheje yuko ibibazo vyari bigoye gato na cane cane icigwa ca « Sciences humaines ».
Christine Manirambona,  Thérèse Niyonkuru 

Jean Claude Nsabiyumva, Nkurunziza Moïse na  

Bénigne Iradukunda  (Bimenyereza)

 

 

Ibarabara rihuza ibisagara vya Bujumbura na Kisangani gushika i Kampala rigiye kwubakwa

 

tatataMu ntumbero yo kwubaka ibarabara rihuza ibisagara vya Bujumbura n’igisagara Kisangani, muri Kongo na Kampala, mu gihugu c’Ubuganda ngo hagiye gutorokanywa uburyo bwo gushira mu ngiro uwo mugambi biciye mw’ishirahamwe ry’ubutunzi ry’ibihugu vyo muri Afrika yo hagati (CEEAC) hamwe n’ishirahamwe ry’umuryango wa Afrika y’ubuseruko ( EAC). Mu ntumbero yo kwubaka ibarabara rihuza ibisagara vya Bujumbura n’igisagara Kisangani, muri Kongo na Kampala, mu gihugu c’Ubuganda ngo hagiye gutorokanywa uburyo bwo gushira mu ngiro uwo mugambi biciye mw’ishirahamwe ry’ubutunzi ry’ibihugu vyo muri Afrika yo hagati (CEEAC) hamwe n’ishirahamwe ry’umuryango wa Afrika y’ubuseruko ( EAC). Uwo ngo ni umugambi umwe mu migambi ishirahamwe CEEAC ryihaye ryo kwubaka amabarabara y’ikaburimbo ahuza imirwa mikuru y’ibihugu 11 bigize iryo shirahamwe. Ivyo bikaba vyashikirijwe n’icegera c’umuvugizi w’Umukuru w’igihugu, Alain Diomède Nzeyimana, ku wa 8 Ruheshi 2018, inyuma y’aho Umukuru w’igihug,Petero NKURUNZIZA yari ahejeje guha umubonano icegera c’umunyamabanga mukuru wa CEEAC, Tabu Abdallah Manirakiza, arongoye intumwa z’iryo shirahamwe zigiye kugira ingendo mu bihugu bigize uwo muryango, urwo rukurikirane rw’izo ngendo rukaba rutanguriye mu Burundi.Nk’uko Alain Diomède Nzeyimana yabandanije abimenyesha, ngo urwo rugendo izo ntumwa zirongowe n’icegera c’umunyamabanga mukuru w’ishirahamwe CEEAC rufise intumbero yo guhimiriza ibihugu kugira vyegeranye uburyo bwo kwubaka ibarabara rihuza ibisagara vya Bujumbura, Kisangani na Kampala. Uwo mugambi wo kwubaka amabarabara y’ikaburimbo ahuza imirwa mikuru y’ibihugu 11 bigize ishirahamwe CEEAC ngo uri ku rutonde rw’iyindi migambi iryo shirahamwe ririko rirarangura.Ku ruhande rw’Uburundi, ngo ibarabara ryihuta ni irihuza ibisagara vya Bujumbura na Kisangani, iryo rero rikazoshika i Kampala, mu gihugu c’Ubuganda. Nk’uko biri mu masezerano hagati y’ishirahamwe CEEAC  n’ishirahamwe EAC, ngo uburyo bwo kuryubaka buzotorokanywa biciye muri ayo mashirahamwe uko ari abiri.

Muri kino gihe, ngo uburyo bwo gukora ivyigwa buriho, hasigaye gutororokanya uburyo bwo gushira mu ngiro uwo mugambi.Umukuru w’igihugu, Petero NKURUNZIZA arakeza izo ntumwa z’iryo shirahamwe kuri uwo mugambi mwiza iryo shirahamwe rigiye kurangura. Mu rugendo umukuru w’igihugu ca Gabon, Ali Bongo Ondimba aheruka kugira mu Burundi, uwo nawe akaba ariwe aramutswa iryo shirahamwe CEEAC  muri kino gihe, ngo basanze hari utugorane dukunda kuba hagati y’ibihugu canke ingorane zikaba hagati mu bihugu bigize uwo muryango, izo nazo zigashobora gutuma iyo migambi itaranguka.Ngo uwo mukuru w’igihugu ca Gabon akavuga rero ingorane ziri mu gihugu ca Kongo, Centrafrique, n’ahandi. Ngo ibihugu bigize uwo muryango wa CEEAC bikwiye kurabira hamwe ibituma izo ngorane zibonekeza kubera zishobora gutuma ivyubatswe bisamburwa, urwo rukaba uruhombo kuri ivyo bihugu akaba arico gituma asaba abasangiye ayo mashirahamwe  kwima amatwi, abo bose babateranya. 

Déo Misigaro                                                                                                   

 

Inama Nkenguzamateka yaruguruye ibikorwa vy’ikiringo ca Ruheshi

nnnnhKw’igenekerezo rya 4 Ruheshi 2018 Inama Nkenguzamateka y’Uburundi irongowe n’icegera ca mbere c’Umukuru w’Inama Nkenguzamateka  Caritas Njebarikanuye yarashashe mu ntumbero yo kwugurura icese ibikorwa vy’ikiringo kigira kabiri mu mwaka, ikiringo ca Ruheshi mu gihe bahora mu karuhuko k’ukwezi kwa Rusama .Kw’igenekerezo rya 4 Ruheshi 2018 Inama Nkenguzamateka y’Uburundi irongowe n’icegera ca mbere c’Umukuru w’Inama Nkenguzamateka  Caritas Njebarikanuye yarashashe mu ntumbero yo kwugurura icese ibikorwa vy’ikiringo kigira kabiri mu mwaka, ikiringo ca Ruheshi mu gihe bahora mu karuhuko k’ukwezi kwa Rusama .Icegera ca mbere c’Umukuru w’Inama Nkenguzamateka Caritas Njeberikanuye yamenyesheje ko  n’aho bari mu karuhuko batagumye bareze amaboko ahubwo ngo kabaye akanya ko gukora ibikorwa vyinshi kandi vy’ingirakamaro. Muvyo baranguye ngo barafashije guhimiriza abanyagihugu kwitabira amatora y’Ibwirizwa Shingiro rishira imbere amahoro, ugusubiza hamwe n’ubumwe bw’abarundi hisunzwe amasezerano y’i Arusha kandi itorwa ryaryo ngo ni intsinzi y’abarundi bose, ubu ngo akaba ari ikiringo co gufatana mu nda kuruta uko vyahora tukiyubakira igihugu cacu tumurikiwe n’iryo Bwirizwa Shingiro abarundi baraye biyemereje. Kukaba nkako ngo muri ako karuhuko barakomeje imigenderanire n’izindi nama Nkenguzamateka n’ayandi mashirahamwe bahuriramwo. Muri iyo ntumbero nyene, ngo bararungitse intumwa z’inama Nkenguzamateka y’Uburundi  zitavye inama ihambaye yabereye i Saint Petersbourg mu gihugu c’Uburusiya, amenyesha kandi  ko muri ubwo buruhuko bw’ukwezi kwa Rusama bagize ingendo mu makomine amwe amwe y’igihugu aho biboneye ko ibidukikije bigeramiwe kuko ahatari hake amashamba ngo yarahonejwe. Aca ahamagarira  abanyagihugu bose  kugira batere ibiti ku misozi ihanamye bongere bace n’imikobeko, banatere ibiti ku nkombe z’inzuzi na cane cane izica mu gisagara ca Bujumbura.Vyongeye ngo bagiye kubandanya bakomeza inama mu makomine y’Uburundi imbere y’uko umwaka w’ 2019 urangira bahimiriza abanyagihugu   kwitabira umugambi wo kuvyara ku rugero mu gukoresha uburyo bwo gutandukanya imvyaro, kwiyamiriza no gushengeza abatesha abigeme amashure mu kubashurashuza canke mu kubarongoza hataragera no kwigisha ingaruka mbi zijanye no guharika.  Nk’uko yabandanije abivuga ngo vuba cane bagiye gutumako intumwa ya Reta kugira ngo ibamenyeshe ingene Ibwirizwa n°1/01 ryo ku wa 23 Nzero 2017 ritegekanya ingene Reta y’Uburundi ikorana n’amashirahamwe yigenga mvamakungu ririko rirashirwa mu ngiro, na cane cane mu ngingo yaryo ya 18 itegekanya ko mu guha akazi abakozi b’abarundi  hategerezwa kwisungwa  ibitigiri vy’ubwoko n’ibitsina nk’uko biri mw’Ibwirizwa Shingiro.Ngo muri kino gihe isi yose ibangamiwe n’ihindagurika ry’ibihe caritas Njebarikanuye yamenyesheje ko bagiye gucungera ko itunganywa ry’ibisagara rikorwa hisunzwe amategeko kandi ngo bagiye  gusaba Reta ko ihagarika gutanga impusha zo kwubaka aho hose biboneka ko uwuhahawe ahahombera, ndetse  n’igihugu. Ngo bagiye gusaba  Reta ko yofatira ingingo zibereye abo bose bubatse hatisunzwe amategeko na cane cane abubatse ku nkengera z’ikiyaga Tanganyika, abubatse ku nkengera z’inzuzi n’aho handi hose hatuma ibidukikije bibangamirwa.

 Mu ntumbero  yo gucungera ingene Reta irangura imirimo yayo, Inama Nkenguzamateka igiye gusaba Reta ko ikurikiranira hagufi iyubakwa ry’urugomero rwa Kajeke rumaze gutwara amafaranga menshi abo bizogaragara ko bafise uruhara mw’idindizwa ry’iyubakwa ry’urwo rugomero, yaba amashirahamwe yatsindiye isoko ryo  kwubaka canke umukozi wa Reta abifisemwo uruhara bakurikiranwe hisunzwe amategeko.Mu bijanye n’amagara y’abantu, ngo kubera  vyagaragaye ko abarwayi benshi bajuragirika iyo bagiye kwivuza, Njebarikanuye yabandanije amenyesha ko bagiye kugenzura ko amavuriro yose canke  ibitaro vyashize ahabona ivyo uwivuza afitiye uburenganzira n’ivyo asabwa, gutyo abitura amavuriro canke ibitaro batunganirizwe batabanje kujuragizwa.Muri iryo sasa  buguruye ngo  baziga integuro z’amabwirizwa 11 Reta imaze kubashikiriza.

Josélyne Ndayegamiye 

                                                   

 

 

 

Mu ntara ya Cibitoke Amakomine ya Mugina na Rugombo arahanzwe n’ikibazo c’ubukene bw’amazi meza

Umuhanuzi ajejwe imibano n’ubutunzi mu biro kwa buramatari w’intara Cibitoke, Rubin Tubirabe  atera akamo abanyagihugu bo mu makomine ya Mugina na Rugombo bahanzwe n’ubukene bw’amazi meza gukurikiza inyigisho z’abaganga zo guteka amazi bavomye mu nzuzi imbere yo kuyakoresha. Ivyo yabishibikirije aho abamenyeshamakuru bariko bamubaza ku kibazo c’ubukene bw’amazi bwibonekeza ku mutumba Ruburizi, muri zone Rugajo, muri komine ya Mugina, mu ntara ya Cibitoke, hari mu rugendo barimwo mu ntara ya Cibitoke kuva kw’igenekerezo rya 28 Rusama gushika ku wa mbere Ruheshi 2018.

cvcffUmuhanuzi ajejwe imibano n’ubutunzi mu biro kwa buramatari w’intara Cibitoke, Rubin Tubirabe  atera akamo abanyagihugu bo mu makomine ya Mugina na Rugombo bahanzwe n’ubukene bw’amazi meza gukurikiza inyigisho z’abaganga zo guteka amazi bavomye mu nzuzi imbere yo kuyakoresha. Ivyo yabishibikirije aho abamenyeshamakuru bariko bamubaza ku kibazo c’ubukene bw’amazi bwibonekeza ku mutumba Ruburizi, muri zone Rugajo, muri komine ya Mugina, mu ntara ya Cibitoke, hari mu rugendo barimwo mu ntara ya Cibitoke kuva kw’igenekerezo rya 28 Rusama gushika ku wa mbere Ruheshi 2018.Nk’uko uwo muhanuzi ajejwe imibano n’ubutunzi wa buramatari w’intara ya Cibitoke, Rubin Tubirabe yashikirije ngo ico kibazo c’ubukene bw’amazi ku mutumba Rubirizi kirazwi n’abajejwe intwaro, ariko ico kibazo ngo baginsagiye n’amakomine ya Rugombo na Buganda kubera ko izo komine ziri mu kiyaya. Uko ayo makomine asanzwe ameze,  kubera ko ari mu kiyaya, ngo afise amasoko makeya. Aho rero ngo kugira ayo makomine aronke amazi meza, n’uko amazi yoza ava hejuru mu makomine ya Mugina ku ruhande rwa komine ya Rugombo hamwe na Murwi ihanamiye ikomine ya Buganda.Ku kibazo c’umutumba wa Rubirizi, muri zone Rugajo, muri komine ya Mugina, intara ya Cibitoke, ngo hariho umugambi udasanzwe wo kwubaka umugende w’amazi meza hamwe no kwubaka amabombo aho ku mutumba wa Rubirizi, Rukana, Munyika na Samwe kugira abanyagihugu baronke amazi meza. Mu makomine ya Mugina na Rugombo ngo bashize amafaranga hamwe kugira kwubaka uwo mugende w’amazi binyaruke. Ibikorwa ngo vyaratanguye, muri kino gihe ngo bariko barimba aho bazoshira imiringoti izozana ayo mazi avuye hejuru  muri komine ya Mugina bayazanye muri komine ya Rugombo.Mu kurindira ko uwo mugambi wo kuronsa amazi meza ibice vya komine ya Mugina hamwe n’ikomine ya Rugombo, umuhanuzi ajejwe imibano n’ubutunzi mu ntara ya Cibitoke atera akamo abanyagihugu kwihangana, bagakurikiza inyigisho bahabwa n’abaganga na cane cane bijukire guteka amazi avuye mu nzuzi imbere yo kuyanywa. 

Uwo mugambi wo kubaronsa amazi meza ngo ushobora kuba waheze mu kiringo c’amezi 3 canke 4, kubona haciye amezi 6 uwo mugambi utanguye ibikorwa bitarahera, ngo n’uko hibonekeje ubukene bw’imiringoti ku bari batsindiye isoko yo kwubaka ayo mazi. Ubu rero ngo iyo miringoti yarabonetse bariko bayijana ku mitumba ahari ayo masoko, ikindi catebeje ivyo bikorwa, ngo ni ivyigwa vyo kuraba ingene ayo mazi yoshika muri ayo makomine.Imbere yaho, umukuru w’umutumba Rubirizi, Bosco Habarugira yari yateye akamo ababijejwe, aho abasaba gukora ibishoboka kugira ayo mazi meza aboneke kubera indwara ziturutse  ku kunywa amazi adasukuye zibangamiye abana bafise amezi 6 no kuduga. Muri kino gihe, abanyagihugu bo ku mutumba Rubirizi ngo bakura amazi meza ku mutumba Giteme, aho naho ngo ni ku birometero 4, ivyo bigatuma abafise amagara make bigatuma badahuta barayaronka. Amatangi y’amazi yarubatswe ariko ngo arashobora kumara ikiringo c’amezi 4 canke 5 ata mazi baronse, iyo aje naho amara indwi imwe gusa. Abadashoboye gushika aho hari amazi meza, ngo baca bakoresha amazi y’akagezi ka Kijombe, ayo nayo ngo ni amazi mabi cane, aho usanga anuka kubera ko bayamesuriramwo akongera agafasha kuvomera imirima y’imiceri. 

Déo Misigaro                                                                                                      

 

 

Inama Nshingamateka ngo igiye kwisunga Ibwirizwa Shingiro rishasha

nnnnKw’igenekerezo rya 4 Ruheshi 2018 Umukuru w’Inama Nshingamateka Pascal Nyabenda  yaruguruye ibikorwa vy’isasa risanzwe  ryo mu kiringo ca Ruheshi nk’uko bitegekanijwe n’Ibwirizwa Shingiro ryo mu mwaka w’2005. Yamenyesheje ko iryo yugururwa ribaye mu gihe abarundi baherutse kwemeza Ibwirizwa Shingiro rishasha ku wa 17 Rusama 2018.Kw’igenekerezo rya 4 Ruheshi 2018 Umukuru w’Inama Nshingamateka Pascal Nyabenda  yaruguruye ibikorwa vy’isasa risanzwe  ryo mu kiringo ca Ruheshi nk’uko bitegekanijwe n’Ibwirizwa Shingiro ryo mu mwaka w’2005. Yamenyesheje ko iryo yugururwa ribaye mu gihe abarundi baherutse kwemeza Ibwirizwa Shingiro rishasha ku wa 17 Rusama 2018.Iryo Bwirizwa Shingiro rishasha naryo mu ngingo yaryo y’179 rivuga ko Inama Nshingamateka ikorana gatatu mu mwaka mw’isasa risanzwe.  Iya mbere ikaba itangura ku munsi wa mbere w’akazi w’ukwezi kwa  Myandagaro, iya kabiri ikaba umunsi wa mbere w’akazi w’ukwezi kwa Kigarama nayo iyigira gatatu umunsi wa mbere w’akazi w’ukwezi kwa Ndamukiza. Aho Inama Nshingamateka ikaba itegerezwa gukurikiza iyo ngingo y’Ibwirizwa Shingiro rishasha.Ngo hamwe Umukuru w’igihugu yoshira umukono kuri iryo Bwirizwa Shingiro rishasha muri iyi minsi y’ukwezi kwa Ruheshi 2018 Inama Nshingamateka izobandanya ikora muri uku kwezi nk’uko biri muri iyo ngingo y’179. Twobamenyesha ko Umukuru w’igihugu Petero NKURUNZIZA, yashize umukono kw’Ibwirizwa Shingiro rishasha ku wa 7 Ruheshi 2018.N’aho biri uko iryo Bwirizwa Shingiro ngo rimaze gushirwako umukono Inama Nshingamateka izoba ifise ibikorwa bibiri bihambaye. Ubwa mbere ngo bazobanza kwemeza amategeko agenga Inama Nshingamateka bishimikije Ibwirizwa Shingiro rishasha babicishije muri sentare yubahiriza Ibwirizwa Shingiro.  Ubwa kabiri bazoca biga bongere bemeze ibizoba vyahindutse mw’Ibwirizwa rigenga amahera Reta ikoresha mu mwaka w’2018. Gutyo bakazoba bisunze iryo Bwirizwa Shingiro rishasha nk’uko biri mu masezerano y’ibihugu bigize umuryango wa  Afrika y’ubuseruko (EAC). Nk’uko kandi biri mu ngingo y’179 y’Ibwirizwa Shingiro rishasha ukwezi kwa Mukakaro kuzoba ari ukwo akaruhuko ku bashingamateka. Naho biri uko Umukuru w’igihugu ngo agumana ububasha bwo gutumako inama idasanzwe kuko hari amabwirizwa menshi yo kwiga.Yamenyesheje kandi ko Inama Nshingamateka ishimira Reta kubona yarateguye kwemeza Ibwirizwa Shigiro rishasha bikagenda neza kandi ata mfashanyo ivuye hanze ikoresheje. Yarongeye arashimira abarundi basubiye kwerekana ko bamaze gutegera ivyo arivyo poritike.Muri iri sasa ryo muri Ruheshi ngo hari hategakanijwe integuro z’amategeko hamwe n’amabwirizwa atari make.  Muri ayo harimwo integuro y’Ibwirizwa yo kwemeza amasezerano hagati y’ibihugu vya Afrika y’ubuseruko ku bijanye n’amahoro n’umutekano. Hari Integuro y’ibwirizwa rijanye no kwororera ibitungwa mu mpongore mu kwirinda ko biyerera ku misozi.  Hari n’integuro y’ibwirizwa  rijanye n’ugushiraho n’ukwerekana imbibe za komine Buhayira hamwe na komine Murwi ziri mu ntara ya Cibitoke. Hari n’izindi nteguro z’amabwirizwa n’amategeko zitegekanijwe. Inama Nshingamateka   ikaba yaboneye ho akaryo  ko gusaba abagize Reta kubandanya bakorana neza nk’uko vyari bisanzwe mu gutanga umuco ku bijanye n’ukwiga amategeko. Pascal  Nyabenda akaba yarangije atera ivyatsi abansi b’igihugu bahungabanije umutekano mu Ruhagarika muri komine Buganda  intara ya Cibitoke agasaba ko amatohoza yobandanya, ababikoze bagahanwa hisunzwe amategeko. 

Christine Manirambona na

Jean Claude Nsabiyumva (uwimenyereza)   

 

 

Page 1 sur 113

Ouvrir